Foron moitas e moi variadas as actividades
que se levaron a cabo na nosa escola para conmemorar unha data tan importante
coma a do Día das Letras Galegas. Un dos proxectos que máis entusiasmou aos
alumnos e alumnas do centro foi a creación de dúas historias escritas na nosa
lingua, porque dun xeito ou doutro, cada escolar aportou ideas para construír
os contos.
En primeiro lugar, os rapaces e rapazas de 1º
de Educación Primaria montaron un crebacabezas coa imaxe de Xosé María Díaz Castro (autor
homenaxeado neste 2014) para poder decidir os personaxes que figurarían en cada
historia. A tarefa non foi precisamente doada! Tiveron que buscar as pezas na
aula e na biblioteca pois estaban ben agochadas!
A continuación, os compañeiros e compañeiras
de 2º de Educación Primaria puxeron a traballar a imaxinación e despois de
moito pensar, outorgáronlles diferentes características físicas aos personaxes. E
como era de esperar… déronlles nome!
Os rapaces e rapazas de 3º de Primaria
indicaron algunas características persoais para cada personaxe para rematar as
descripcións e decidiron os lugares nos que se desenvolverían os dous contos.
O alumnado de 4º de Educación Primaria tamén
tivo que espremer moito os miolos, pois a súa tarefa consistiu en crear dúas
historias tendo en conta o que en 1º, 2º e 3º xa se decidira. Así, puxéronse na pel dos escritores e
escritoras e redactaron dúas curiosas obras na nosa lingua. As súas dotes de
narradores/as quedaron totalmente demostradas!
Os estudantes de 5º de Primaria inventaron a
vida dos autores/as de cada conto. Ademais de elaborar a biografía, escribiron
unha noticia conectada coa obra e diversas actividades de comprensión e pasatempos:
pesquisa de diferenzas, acrósticos, etc.
En 6º de Primaria tamén se traballou. Esta
clase contribuiu a este proxecto elaborando encrucillados, adiviñas,
xeroglíficos e outras actividades coa temática de cada conto.
En definitiva, cada curso fixo as súas
aportacións para poder crear dúas historias con motivo da celebración das Letras
Galegas 2014. Esperamos que resulten do voso agrado e que sexades quen de
apreciar e valorar o esforzo e adicación do alumnado.
Ah! Non esquezades que moi pronto as colgaremos no noso blog para que todos e todas teñades a posibilidade de ler as devanditas historias dende as vosas casas, así que … permanecede ben atentos!!!
Ah! Non esquezades que moi pronto as colgaremos no noso blog para que todos e todas teñades a posibilidade de ler as devanditas historias dende as vosas casas, así que … permanecede ben atentos!!!
Parabéns a todos! Trátase dunha actividade moi fermosa coa que seguro que aprenderon unhas cantas cousiñas. Noraboa por esta iniciativa! Agardamos impacientes a que publiquedes eses contiños!
ResponderEliminarNoraboa! Sabemos que os rapaces participaron encantados nunha actividade tan bonita coma esta de crear seus propios contos. Está moi ben que se traballe de cara a fomentar algo tan importante como é a lectura e todo o que ten que ver coa literatura e en especial, obras en galego.
ResponderEliminarIniciativas coma esta son as que merecen a pena.
ResponderEliminarGustoume moitísimo o que fixemos na clase! Quero repetir! Saray E. (2º Primaria)
ResponderEliminarFoi moi bonito traballar cos meus compañeiros/as
ResponderEliminarGustoume moito todo o que fixemos en 2º pero tamén me parece moi chulo o que fixeron en 4º porque teñen que ter moita imaxinación. Zaira 2º EP
ResponderEliminarGustounos moito traballar en equipo para facer contos. A nós tocounos describir unha rata, unha vaca e un dragón e decidimos como ían ser para as historias. Sandra e Ainhoa (2º E.P.)
ResponderEliminarFoi moi chulo e gustoume moito. Alejandra 2º E.P.
ResponderEliminar